Gürcüstan Azərbaycandan tikinti materiallarının idxalını artırıb

Bu ilin I rübündə Gürcüstan Azərbaycandan 3 765,6 min ABŞ dolları dəyərində 120 754 ton sement idxal edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, bu, ötən ilin analoji dövrü ilə müqayisədə 12,1 % çoxdur.

Hesabat dövründə qonşu ölkə Azərbaycandan ümumi dəyəri 9,338 min ABŞ dolları olan 11 974 ton dəmirdən və ya aşqarlanmamış poladdan çubuqlar da tədarük edib ki, bu da illik müqayisədə 54,4 % çoxdur.