“Cənubtikintiservis”in səhmdarlarının yığıncağının vaxtı dəyişdirilib

“Cənubtikintiservis” ASC-nin iyunun 20-nə təyin edilmiş səhmdarlarının ümumi yığıncağı yetərsay olmadığı üçün avqustun 12-si, saat 10:00-a keçirilib.

“Report” xəbər verir ki, yığıncaq Bakı şəhəri, Səbail rayonu, Gülbala Əliyev küçəsi, 25 ünvanında olacaq.

Yığıncağın gündəliyinə şirkətin 2024-cü il üzrə maliyyə-təsərüffat fəaliyyətinin yekunlarının müzakirə edilməsi, eləcə də Müşahidə Şurasının tərkibinin və Maliyyə-təftiş komissiyasının yenidən formalaşdırılması məsələləri daxildir.

Xatırladaq ki, “Cənubtikintiservis” 2003-cü ildə yaradılıb. Onun nizamnamə kapitalı 1,615 milyon manatdır.