Bu il xarici iqtisadi fəaliyyət iştirakçılarının sayı 68% artıb

Azərbaycan bu ilin I rübündə 153 ölkə ilə ticarət əlaqəsi qurub ki, bu da, illik müqayisədə 1,3% azdır.

“Report” Dövlət Gömrük Komitəsinə istinadən xəbər verir ki, hesabat dövründə xarici iqtisadi fəaliyyət iştirakçıların sayı keçən ilin eyni dövrü ilə müqayisədə 68,4% artaraq 19 761-ə çatıb.

Xarici ticarət iştirakçıları içində fiziki şəxslərin sayı illik müqayisədə 2 dəfədən çox artaraq 14 501-ə, hüquqi şəxslərin sayı isə 9,4% artaraq 5 260-a çatıb.