Bakı 21° C
Bakıda kommersiya obyektlərinin təklifi 17 %-dək artıb - RAYONLAR ÜZRƏ QİYMƏT DİNAMİKASI
- 04 mart, 2023
- 12:47
Yeniliklərdən dərhal xəbərdar olun!
Bu ilin yanvar ayında Bakıda kommersiya obyektlərinin satış qiymətləri (1 kvadrat metrə görə) dekabr ayına nisbətən 0,5 %, son 1 ildə isə 2,4 % artıb.
Bunu "Report"a “Vecon Consulting” şirkətinin təsisçisi, iqtisadçı ekspert Vüqar Oruc bildirib.
Onun sözlərinə görə, bazarda təklif sayı ay ərzində 1,5 % azalıb, il ərzində 16,8 % yüksəlib.
"Obyektlərin icarə qiymətləri (1 kvadrat metrə görə) ay ərzində 2,3 %, il ərzində isə 7,5 % artıb. Kommersiya obyektlərinin icarəsi üzrə təklif sayında göstəricilər satışa təklif olunan obyektlərlə uyğunluq təşkil edərək, müvafiq olaraq 1,4 % azalıb və 17 % artıb", - “Vecon Consulting” şirkətinin təsisçisi, iqtisadçı ekspert Vüqar Oruc bildirib..
| Ünvan | 2022-ci il dekabr ayına nisbətən kommersiya obyektləri seqmentində qiymətlərin artım %-i | 2022-ci il yanvar ayına nisbətən kommersiya obyektləri seqmentində qiymətlərin artım %-i |
| Nəsimi rayonu | 0,2% | 4 % |
| Nizami rayonu | 0,4% | 2,7% |
| Qaradağ rayonu | -0,5% | -1% |
| Sabunçu rayonu | -0,3% | -0,3% |
| Səbail rayonu | 0,5% | 7 % |
| Suraxanı rayonu | 0,2% | -1% |
| Xətai rayonu | 1,2% | 4,2% |
| Yasamal rayonu | 1,1% | 2,5% |
| Binəqədi rayonu | 0,3% | 0,7% |
| Nərimanov rayonu | 1,7% | 5,1% |
| Ortalama | 0,5% | 2,4% |
Müəllif
