Azərbaycanda stasionar nəqletmə vasitələri ilə daşımaların həcmi artıb, dəyəri azalıb

Bu ilin yanvar-iyul aylarında Azərbaycanda stasionar nəqletmə vasitələri ilə 18 milyard 994 milyon 749 min ABŞ dolları dəyərində 26 milyon 607 min 23 ton məhsul daşınıb.

“Report” Dövlət Gömrük Komitəsinə istinadən xəbər verir ki, 2022-ci ilin eyni dövrü ilə müqayisədə daşımaların dəyəri 9,1 % azalıb, həcmi isə 1,8 % artıb.

O cümlədən, 7 ay ərzində stasionar nəqletmə vasitələri ilə 18 milyard 727 milyon 431 min ABŞ dolları dəyərində 25 milyon 520 min 633 ton məhsul ixrac olunub, 267 milyon 317 min ABŞ dolları dəyərində 1 milyon 86 min 390 ton məhsul idxal olunub.

Son 1 ildə ixrac olunan məhsulların dəyəri 10,4 %, həcmi 1,3 % azalıb, idxal olunan məhsulların isə dəyəri 5,8 dəfə, həcmi 4 dəfə artıb.