Azərbaycanda avtomobil nəqliyyatı ilə beynəlxalq daşımaların həcmi 11 % artıb

Bu ilin yanvar-may aylarında Azərbaycanda avtomobil nəqliyyatı ilə 4 milyard 908 milyon 109 min ABŞ dolları dəyərində 2 milyon 330 milyon 830 min ton məhsul daşınıb.

“Report” Dövlət Gömrük Komitəsinə istinadən xəbər verir ki, bunlar, ötən ilin eyni dövrünə nisbətən müvafiq olaraq 5,5 % və 10,8 % çoxdur.

O cümlədən, beş ayda avtomobil nəqliyyatı ilə 763 milyon 453 min ABŞ dolları (8,9 % çox) dəyərində 869 min 964 ton (12,5 % çox) yük ixrac olunub, 4 milyard 144 milyon 655 min ABŞ dolları (4,9 % çox) dəyərində 1 milyard 460 min 865 ton (9,8 % çox) yük idxal edilib.