Azərbaycan Niderlanddan qaz sayğaclarının tədarükünü bərpa edib

Bu ilin yanvar-mart aylarında Azərbaycan 231,4 min ABŞ dolları dəyərində 311 ədəd qaz sayğacı idxal edib.

"Report"un Dövlət Statistika Komitəsinin məlumatları əsasında apardığı hesablamalara əsasən, bu, 2025-ci ilin eyni dövrünün göstəricisindən dəyər ifadəsində 82 %, kəmiyyət olaraq – 98 % azdır.

Hesabat dövründə Azərbaycan Almaniyadan 121,5 min ABŞ dolları dəyərində (1 il əvvəlki göstəricidən 6 dəfə çox) 17 ədəd (-83 %), Polşadan 65 min ABŞ dolları dəyərində 103 ədəd (1 il əvvəl tədarük olmayıb), İtaliyadan 23,2 min ABŞ dolları dəyərində (-86 %) 45 ədəd (-75 %), Niderlanddan 16,44 min ABŞ dolları dəyərində 20 ədəd, Slovakiyadan 4 min ABŞ dolları dəyərində (-73 %) 2 ədəd (-89 %) sayğac alıb.

Azərbaycan 1 il 8 aylıq fasilənin ardından Niderlanddan qaz sayğaclarının tədarükünü bərpa edib.

2025-ci ildə Azərbaycandan idxal edilmiş 28 min 736 ədəd qaz sayğacının 92,5 %-i Çinin payına düşüb.