Azərbaycan Gürcüstandan diri mal-qara idxalını artırıb

Bu ilin yanvar ayında Azərbaycan Gürcüstandan 589,65 min ABŞ dolları dəyərində 343,3 ton diri iribuynuzlu mal-qara tədarük edib.

“Report”un yerli bürosuna xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, məhsulun həcmi illik müqayisədə 2,9 % artıb.

Hesabat ayında Azərbaycan qonşu ölkədən ümumi dəyəri 298,7 min ABŞ dolları olan 162,7 ton diri qoyun və keçi də idxal edib ki, bu da ötən ilin eyni göstəricisindən 3,1 dəfə çoxdur.