Azərbaycan BƏƏ-dən almaz idxalını bərpa edib

Ötən il ərzində Azərbaycana 313,2 min ABŞ dolları dəyərində 7,5 min karat çeşidlənməmiş almaz idxal edilib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, 2021-ci illə müqayisədə dəyər ifadəsində 3,4 dəfə, kəmiyyət olaraq – 3,5 dəfə çoxdur.

Hesabat dövründə Azərbaycan Birləşmiş Ərəb Əmirliklərindən (BƏƏ) 205,55 min ABŞ dolları dəyərində 4,46 min karat və Türkiyədən 107,64 min ABŞ dolları dəyərində (bir il əvvəlki göstəricidən 16 % çoxdur) 3,04 min karat (+40 %) almaz alıb.

Üç il 5 aylıq fasilənin ardından BƏƏ-dən tədarük bərpa edilib.