Azərbaycanın şəkər ixracından qazancı 46 % azalıb

Bu ilin yanvar-iyun aylarında Azərbaycan 93,952 milyon ABŞ dolları dəyərində şəkər və şəkərdən hazırlanan qənnadı məmulatları idxal edib.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 9,6 % azdır.

Hesabat dövründə Azərbaycanın şəkər və şəkərdən hazırlanan qənnadı məmulatlarının ixracının dəyəri isə 10,52 milyon ABŞ dolları olub ki, bu da 1 il əvvələ nisbətən 45,9 % azdır.

6 ay ərzində şəkər idxalına çəkilən xərc ümumi idxalın 1,48 %-ni, şəkər ixracından əldə olunan gəlir isə ümumi ixracın 0,06 %-ni təşkil edib.