“Aqroservis”in 50 ədəd yerli istehsal olan traktorun alınmasına çəkiləcək xərci açıqlanıb

Kənd Təsərrüfatı Nazirliyinə məxsus “Aqroservis” ASC 50 ədəd traktorun satın alınmasına 2 milyon 330,1 min manat vəsait sərf edəcək.

"Report" bu barədə dövlət satınalmalarının vahid internet portalına istinadən xəbər verir.

Adıçəkilən kənd təsərrüfatı texnikası "Gəncə Avtomobil Zavodu" İstehsalat Birliyindən alınacaq. O, Aqroservis” ASC-nin elan etdiyi tenderin qalibi olub.

Müqaviləyə əsasən, traktorların gələn ilin fevral ayının 10-na kimi tədarük olunması planlaşdırılır.